Trais yn Erbyn Menywod Genethod

Trosolwg

Mae Trais yn Erbyn Menywod a Merched yn broblem ddifrifol mewn cymdeithas heddiw na allwn ei derbyn. Gall yr effaith fod yn ddinistriol, yn hirdymor ac mewn rhai achosion, yn angheuol i fenywod a merched, gan effeithio ar deuluoedd a chymunedau cyfan. Mae'r Prif Gwnstabl a'r Comisiynydd wedi ymrwymo i weithio mewn partneriaeth i fynd i'r afael â thrais yn erbyn menywod a merched ledled ardal Heddlu De Cymru. Mae'r ymrwymiad hwn yn cynnwys cynyddu hyder dioddefwyr i roi gwybod am drais yn eu herbyn, lleihau erledigaeth dro ar ôl tro a chreu dealltwriaeth well o'r angen i gymryd camau cadarnhaol wrth ymateb i'r drosedd hon.

Mae trais yn erbyn menywod yn cynnwys amrywiaeth eang o feysydd gan gynnwys cam-drin domestig, trais rhywiol, stelcio, anffurfio organau cenhedlu benywod, masnachu, a thrais ar sail “anrhydedd” fel y'i gelwir. Y gwirionedd pur yw bod menywod yn fwy tebygol o ddioddef camdriniaeth ddomestig na dynion, sy'n cyferbynnu â phob math arall o droseddau treisgar lle mae dynion yn fwy tebygol o fod yn ddioddefwyr. Yn ystod 2019/20 rhoddwyd gwybod am 35,687 o achosion o gam-drin domestig yn Ne Cymru. O'r rhain, dioddefwr benywaidd oedd mewn 23,443 o'r achosion, ac o'r rhain, cofnodwyd 13,063 ohonynt fel troseddau.

Gyda Phartneriaid a'r Prif Gwnstabl, yn ddiweddar rydym wedi datblygu Mynd i'r Afael â Thrais yn Erbyn Menywod a Merched: Strategaeth ar y Cyd 2019-2024

Caiff Trais yn Erbyn Menywod a Merched ei ystyried fel blaenoriaeth yn Adroddiad Blynyddol Comisiynydd yr Heddlu a Throseddu De Cymru. Rydym yn canolbwyntio ar 4 prif faes:

• Gwell Cydweithio
• Atal ac Ymyrryd yn Gynnar
• Diogelu
• Cyflawnwyr

Adroddiad Blynyddol

Rydym wedi gweld llwyddiant drwy ariannu Cynghorwyr Annibynnol ar Drais Domestig/Rhywiol, sydd bellach yn eu swyddi ledled De Cymru, a chyhoeddodd y Weinyddiaeth Gyfiawnder £12 miliwn ychwanegol i ariannu'r gwasanaethau hyn rhwng 1 Ebrill 2021 a 31 Mawrth 2023. Mae ein cyllid hefyd yn gweithio gyda llawer o sefydliadau i gefnogi dioddefwyr a goroeswyr Trais yn Erbyn Menywod, Cam-drin Domestig a Thrais Rhywiol.

Diweddariad COVID-19

• Mae adolygiad o effaith COVID-19 ar Wasanaethau (De Cymru) wedi cael ei lunio. Mae hyn wedi llywio'r asesiad o anghenion ar gyfer y Weinyddiaeth Gyfiawnder a nodi meysydd lle mae angen gwneud gwaith pellach os bydd pandemig arall yn digwydd.  Mae hon yn ddogfen fyw ac mae wrthi'n cael ei diweddaru er mwyn cadarnhau'r datblygiadau diweddaraf.

DRIVE

Mae Drive yn gweithio gyda chyflawnwyr sy'n achosi llawer o niwed i leihau achosion o cam-drin ac i wneud dioddefwyr/goroeswyr yn fwy diogel. Cafodd ei ddatblygu fel rhan o bartneriaeth rhwng Respect, SafeLives, a Social Finance mewn cydweithrediad â MOPAC, Comisiynwyr yr Heddlu a Throseddu, awdurdodau lleol, a darparwyr gwasanaeth. Mae Drive yn herio'r naratif canolog ynglŷn â cham-drin domestig, gan ofyn "pam nad yw'n stopio" yn hytrach na "pam nad yw hi'n gadael"

Yn ystod 2020-21, cytunodd y Comisiynydd i  ehangu'r ddarpariaeth i bob un o'r saith ardal  awdurdod lleol yn Ne Cymru,  gyda chymorth cais  llwyddiannus am gyllid oddi wrth y  Swyddfa Gartref.

Mae DRIVE yn parhau i wireddu buddiannau sylweddol, gan gynnwys dioddefwyr yn nodi eu bod yn teimlo'n fwy diogel, ynghŷd â llai o aildroseddu gan gyflawnwyr, yn bennaf oherwydd gallu'r asiantaethau i weithio gyda'i gilydd mewn ymyriadau cefnogol a thrwy amharu.

Ffigurau blynyddol o bob rhanbarth (Ebrill 2022-Mawrth 2023)

Ein tîm

Paula Hardy – Arweinydd Strategol

Megan Stevens – Uwch Swyddog Polisi

Hannah Evans-Price – Swyddog Polisi

Naomi Evans - Swyddog Polisi

Natasha Hankey - Swyddog Cymorth Prosiect a Pholisi

Felicity Rushton - Swyddog Cymorth Prosiect a Pholisi

Gyda Phartneriaid a'r Prif Gwnstabl, rydym wedi datblygu Mynd i'r Afael â Thrais yn Erbyn Menywod a Merched: Strategaeth ar y Cyd 2019-2024