Resize Text:

Switch to:

Transparency

Menter Dwyll Genedlaethol

Mae'n rhaid i Gomisiynydd yr Heddlu a Throseddu De Cymru ddiogelu'r arian cyhoeddus y mae'n ei weinyddu, yn unol â'r gyfraith. Gall y Comisiynydd a Heddlu De Cymru rannu gwybodaeth â chyrff eraill sy'n gyfrifol am archwilio neu weinyddu arian cyhoeddus, er mwyn atal a chanfod twyll.

Mae Archwilydd Cyffredinol Cymru yn archwilio cyfrifon y Comisiynydd a'r Prif Gwnstabl. Mae'r Archwilydd Cyffredinol hefyd yn gyfrifol am gynnal ymarferion paru data, sy'n ymwneud â chymharu cofnodion cyfrifiadurol un corff â chofnodion cyfrifiadurol eraill yr un corff neu gorff arall er mwyn gweld i ba raddau y maent yn debyg. Gwybodaeth bersonol yw hon fel arfer ond gall hefyd fod yn wybodaeth amhersonol megis manylion am daliadau i gyflenwyr. Bydd data personol ond yn cael eu cadw tra bod eu hangen arnom i ddarparu gwasanaethau neu gyflawni ein rhwymedigaethau, ac i gydymffurfio ag unrhyw ofynion cyfreithiol ar gyfer cadw mathau penodol o ddata.

Mae paru data cyfrifiadurol yn golygu y gellir nodi hawliadau a thaliadau a allai fod yn dwyllodrus. Pan nodir data tebyg, gall olygu bod anghysondeb y mae angen ymchwilio iddo ymhellach. Ni ellir pennu a oes twyll, camgymeriad nac esboniad arall tan fod ymchwiliad wedi digwydd.

Ar hyn o bryd, mae'r Archwilydd Cyffredinol yn gofyn i'r Comisiynydd a Heddlu De Cymru fod yn rhan o ymarfer paru data er mwyn helpu i atal a chanfod twyll. Mae'n rhaid i'r Comisiynydd a Heddlu De Cymru roi setiau o ddata yn ymwneud â'r gyflogres, pensiynau a chredydwyr masnach i'r Archwilydd Cyffredinol; mae manylion y rhain yng nghanllawiau'r Comisiwn Archwilio:

https://www.audit.wales/sites/default/files/national_fraud_initiative_final_work_programme_2020-21_welsh.pdf

Mae gan yr Archwilydd Cyffredinol awdurdod statudol i ddefnyddio data mewn ymarfer paru data o dan ei bwerau yn Rhan 3 o Ddeddf Archwilio Cyhoeddus (Cymru) 2004. Nid yw'n gofyn am ganiatâd gan yr unigolion dan sylw o dan Ddeddf Diogelu Data 2018, sy'n cynnwys y Rheoliad Cyffredinol ar Ddiogelu Data (GDPR). Mae paru data gan yr Archwilydd Cyffredinol yn destun Cod Ymarfer. Gellir dod o hyd i hwn yn:

https://www.audit.wales/sites/default/files/download_documents/code-of-data-matching-practice-cymraeg.pdf

I gael rhagor o wybodaeth am bwerau cyfreithiol yr Archwilydd Cyffredinol a'r rhesymau pam ei fod yn paru gwybodaeth benodol, ewch i http://www.audit.wales/cy/amdanom-ni/menter-twyll-genedlaethol.

Os hoffech gael cyngor annibynnol ar yr hybysiad preifatrwydd hwn neu faterion eraill yn ymwneud â gwybodaeth bersonol, gan gynnwys cwynion, gallwch gysylltu â Swyddfa'r Comisiynydd Gwybodaeth (rhanbarthol):


Swyddfa'r Comisiynydd Gwybodaeth
Ail Lawr
Churchill House
Churchill Way
Caerdydd
CF10 2HH

Ffôn: 016 2554 5297
E-bost: wales@ico.org.uk


I gael rhagor o wybodaeth am rôl y Comisiynydd yn y Fenter Twyll Genedlaethol cysylltwch â david.hollowayyoung@south-wales.pnn.police.uk

Louise Voisey
Swyddog Diogelu Data Ar Y Cyd
Rheoli Gwybodaeth
Pencadlys Heddlu De Cymru
Ffon: 01656 869211

Jacqueline Trow LLB PG. Dip. BPTC
Arweinydd Strategol: Ansawdd, Safonau a Chydymffurfio
De Cymru Comisiynydd yr Heddlu a Throseddu
Ffon: 01656 869366
Ebost | Email: Jacqueline.Trow@south-wales.pnn.police.uk

 

 

Y newyddion diweddaraf

Tasglu'n cymryd camau i fynd i'r afael â thrais yn erbyn menywod a merched

Mae tasglu newydd, sy'n dod ag asiantaethau allweddol at ei gilydd, wedi cael ei sefydlu ar gyfer Cymru gyfan. Mae’n gweithio i herio agweddau ac ymdd…

Gweld mwy >

Heddlu De Cymru yn distewi i gofio'r rhai a aberthodd eu bywydau

Heddiw, cynhaliwyd gwasanaeth coffa – wedi'i arwain gan Brif Gwnstabl Heddlu De Cymru Jeremy Vaughan a Chomisiynydd yr Heddlu a Throseddu Alun Michael…

Gweld mwy >

Y Comisiynydd yn sicrhau cyllid i wella diogelwch ar strydoedd Rhondda Cynon Taf…

Caiff cyfres o fesurau eu cyflwyno er mwyn gwneud strydoedd Rhondda Cynon Taf yn fwy diogel i fenywod a merched, diolch i gais llwyddiannus am gyllid …

Gweld mwy >